Mga tinugyanan sa City Social Welfare and Development Office ug opisyales sa barangay ang moapod-apod sa Handog Pamasko nga tag P 500.00 matag usa ka senior citizen, PWD ug kabos nga pamilya sa dugang 13 ka mga barangay ugmang adlawa (Huebes).
Gitakda nga ihatag ugmang adlawa (Huebes) ang Handog Pamasko dinha sa Poblacion 8, Bantayan, Camanjac, Candau-ay, Mangnao, Piapi, Bajumpandan, Cantil-e, Junob, Poblacion 2, Banilad, Calindagan ug Daro.
Matud sa buhatan ni Mayor Ipe Remollo migahin ug P 17.1 milyones nga pondo ang lokal nga kagamhanan para hatagan ug pamasko ang 34, 200 ka residente nga nalista sa ilang mga barangay isip mga senior citizens, PWD ug miyembro sa kabus nga pamilya.
Samtang karung adlawa nakadawat sa Handog Pamasko ang mga kwalipikadong residente sa barangay Poblacion 1, Balugo, Motong, Talay, Poblacion 5, Poblacion 6, Bagacay, Cadawinonan, Looc, Pulantubig, Taclobo, Poblacion 3, Poblacion 4, Poblacion 7, Batinguel, Buñao ug Tabuc-Tubig.