Subling nagpahigayon ug recorida ang mga tinugyanan sa Environment and Natural Resources Office inubanan ni City Administrator Lilani Ramon para ikampanya sa mga taga barangay ug kabalayan sa ilang responsibilidad nga bahigon ang mga basura pinasubay sa balaod.
Nakigpulong si Administrator Ramon, ENRO Officer Engr. Chilvier Patrimonio ug Engr. Leticia Duran sa mga opisyales sa barangay para motabang nga ang tanang mga basura kini nabahig na una kini kolektahon sa ENRO para dad-on sa City Materials Recovery Facility.
Gi-awhag ang katawhan nga bahigon ang mga basura gikan sa mga panimalay, mga balay patigayon ug mga opisina sa matag barangay para mogamay ang gidaghanon sa basura nga dad-on ug iproseso dinha sa atong Centralized Materials Recovery Facility.
Matud sa buhatan sa ENRO kinihanglan nga lainon ang mga malata ug dili malata.
Lainon ug sudlanan ang mga plastic bottles, lata, botelya, carton ug papel. Samtang lainon pud ang used face mask, napkins ug diapers, tissue paper, bu-ak nga botelya ug uban pa.