Mga kwalipikadong Barangay Tanod nikubra sa ilang cash incentives dinha sa City Treasurer’s Office adtong milabay nga semana para sa bulan Hulyo, Agosto ug Setyembre.
Kining programa nga gipatuman ni Mayor Ipe Remollo niadto pang tuig 2020 nga mohatag ug cash incentive para sa mga barangay tanod, gawas pa sa ilang honorarium, kini pag-ila sa ilang makanunayong pagserbisyo ug ayuda sa katawhan para mapatunhay ang kahusay ug kalinaw.
Adunay gigahin ang kagamhanang siyudad matag tuig nga cash incentive alang sa matag usa ka Barangay Tanod nga gikan P 600.00 ngadto P 800.00 kada bulan depende sa kung kinsa ang nakatapos sa mga mandatory training ug makapasar sa evaluation para sa ilang skills improvement ug professionalization..
Matud sa DILG Dumaguete kadto lamang mga tanod nga nitambong sa training ug nakapasar sa assessment ang kwalipikadong makadawat sa cash incentive.