Gapadayon ang pagsemento sa dalan paingon sa taytayan likod sa Vida Royal (Candau-ay-Cadawinonan Bridge) nga parte ug sumpay sa gihimong Metro Dumaguete Diversion Road human nga nisibog ang mga tag-iya sa luna nga agianan sa maong halapad nga dalan.
Kining proyekto nga Metro Dumaguete Diversion Road nga gipahigayon sa DPWH gisuportahan ni Mayor Ipe Remollo kay makatabang kini nga mas momenus ang trapiko sa downtown area ug makahatag ug kahapsay ug luwas pagbiyahe sa mga motorista lapos ngadto sa lungsod sa Bacong, Sibulan ug Valencia.