Ugmang adlawa (Setyembre 30, 2022, Biernes) ang katapusan adlaw sa pagpahigayon sa Bakunahang Bayan: PinasLakas Special Vaccination Days nga nagsugod niadto pang lunes.
Gipakatap ni Mayor Ipe Remollo ang mga doktor, nars, BHW ug uban pang mga empleyado sa kagamhanang lokal para mopahigayun sa pagbakuna ug paghatag ug booster sa mga kabataan ngadto mga senior citizens sa 3 ka mga vaccination sites.
Matud ni City Health Officer Dr. Maria Sarah B. Talla nga katong mga interesado nga ga edad 5 anyos-pataas moadto lang bisan asa sa 3 ka vaccination sites kini mao ang Robinson Place Dumaguete, City Health Main Office ug City Health Office 2 sa Barangay Talay.
Nanghinaot ang kagamhanan nga kato wala pa nakapabakuna o nagpa booster mosanong niining panawagan para hingpit nga maluwas kita batol sa COVID-19 ug magpadayon ang atong hapsay nga pag-abre sa ekonomiya ug mga tunghaan ubos sa Alert Level 1.