Subay sa mando ni Mayor Ipe Remollo nagpadayun ang trabaho sa proyekto nga mokontralar unya sa baha dinha sa Barangay Banilad ngadto sa Barangay Mangnao panahon sa ting-ulan ug bagyo.
Mokabat na sa P 25 milyones ang gigahin sa administrasyon ni Mayor Ipe Remollo para palapdan ang mga boulder dikes, mabutangan ug box culvert ug kanal para makontrol ug mosubay sa naandan nga agianan ang dakong bul-og sa tubig nga gagikan sa Valencia paingon sa Lagnasan Creek para diretso na ug tupa sa Ihalason Beach ang tubig baha ug dili na moawas sa mga kadalanan ug kabalayan.
Ang proyekto gapadayun apan gilaktawan usa ang mga apektadong luna diin ang mga nagpaila nga tag-iya niini nagdumili nga gamiton ang ilang propredad para agian og tukuran sa mga boulder dikes nga para unta malikayan na ang pag-awas sa tubig o pagbaha.