Nadawat na sa mga estudyante ang 60% nga bahin sa sueldo nga gikan sa kagamhanang siyudad sa Dumaguete niadtong usang semana samtang ang bahin sa Department of Labor and Employment nga mokabat sa 40% kini ihatag human maproseso isip bugti sa ilang pagtrabaho sa City Hall.
Subling gi-awhag ni Mayor Ipe Remollo ang mga estudyante nga nakatrabaho sa City Hall ubos sa Special Program for the Employment of Students (SPES) nga itagana ang ilang kintabok-an nga sueldo sulod sa 20 ka adlaw nga balor P 9, 846.40 matag usa para ibayad sa ilang tuition fee ug ubang gasto para maka eskwela sila ug makatabang sa ilang mga ginikanan.
Gibutyag pod ni Mayor Ipe Remollo laing batch sa mga estudyante ang makatrabaho napod sa City Hall sunod tuig kay aduna kini gitagana pondo para sa ilang sueldo ubos sa programa.
Ang SPES usa ka program nga gipatuman sa buhatan ni Mayor Ipe Remollo pinaagi sa Public Employment Service Office ug DOLE para mahatagan ug kahigayonan ang mga estudyante makatigom isuporta sa ilang pagtungha ug makat-on sa mga gimbuhaton dinha sa mga opisina sa City Hall.