Nakadawat sa ayudang pinansiyal gikan sa Office of the Civil Defense ang pamilya sa bugtong biktima nga namatay human natumbahan sa kahoy ang iyang panimalay tungod sa kusog nga Bagyong Odette.
Ang dugang nga ayuda nga balor P 10, 000 gihatag kini ni OCD Region 7 Director Marlou L. Salazar ug Mayor Felipe Antonio B. Remollo ngadto sa inahan sa biktima nga si Trinidad Faura ug ang igsoon nga si Maria Theresa Faura karung adlawa nga gisaksihan nilang City DRRM Officer Allen Froilan Cabaron II ug City Social Welfare Officer Lilibeth Filipinas.
Ang kagamhanan sa siyudad sa Dumaguete nihatag na ug paunang ayudang pinansiyal ug uban pang hinabang human sa kalamidad.