Nikubra gahapong adlawa sa ilang cash incentives nga tag P 2, 100 matag usa ang mga kwalipikadong Barangay Tanod diin giapod-apod kini dinha sa City Treasurer’s Office para sa mga bulan Abril-Mayo-Hunyo.
Ubos sa programa nga giaprobahan ni Mayor Ipe Remollo, ang cash incentive nga tag P 700 matag bulan gihatag kini sa mga barangay tanod isip pasalamat sa ilang pagtabang pagpatunhay sa kahusay ug kalinaw sa ilang mga barangay.
Ang DILG diin mao ang gapatuman sa programa nipasabot nga ang mga barangay tanod kinihanglan makatapos sa training ug makapasar sa evaluation nga gipahigayon sa ilang buhatan ubos sa program nga iprofessionalize ang mga barangay tanod.