Magpadayun ang paghatag sa social pension para 2nd batch sa mga kwalipikadong senior citizens ugmang adlawa gikan sa Department of Social Welfare and Development Region 7.
Mga empleyado sa buhatan ni Mayor Ipe Remollo ug OSCA nakig-alayon na sa mga opisyales sa barangay para mapahibalo ang ilang mga senior citizens nga naapil sa listahan sa DSWD para makuha ang social pension ugmang adlawa sa lugar og oras nga gitakda alang kanila:
PULANTUBIG COVERED COURT
Buntag: Bantayan, Batinguel, Buñao
Hapon: Camanjac, Motong, Piapi, Pulantubig
TALAY COVERED COURT
Buntag: Bajumpandan, Balugo, Cadawinonan
Hapon: Candau-ay, Cantil-e, Talay
Samtang mga kwalipikadong senior citizens gikan sa Barangay Looc, Poblacion 1, Poblacion 2, Poblacion 8, Poblacion 3, Poblacion 4, Taclobo, Daro, Poblacion 7, Poblacion 5 ug Poblacion 6, Bagacay, Banilad, Junob, Mangnao, Tabuc-Tubig ug Calindagan nakakuha na sa ilang social pension karung adlawa.
Subling gipasabot nga ang mga benepisyaryo gipili sa DSWD Region 7 kini mga senior citizens nga gaedad 60 anyos-pataas, walay laing pension, walay suporta sa pamilya, mga kabos labi na bed-ridden ug adunay medikal nga panihanglanon.