Gikompirmar sa Office of the Senior Citizens Affairs nga 3, 068 ka mga kwalipikadong senior citizens ang takdang modawat sa ilang social pension nga tag P 1, 500 matag usa para sa 2nd Quarter (Abril, Mayo ug Hunyo) gikan sa Department of Social Welfare and Development Region 7 karung HUEBES ug BIERNES.
Mga empleyado sa buhatan ni Mayor Ipe Remollo ug OSCA nakig-alayon na sa mga opisyales sa barangay para mapahibalo ang ilang mga senior citizens nga naapil sa listahan sa DSWD para makuha nila ang social pension pinasubay sa adlaw ug lugar nga gitakda alang kanila.
UNANG ADLAW (JUNE 16, 2022)
TINAGO COVERED COURT
Buntag: Looc, Poblacion 1, Poblacion 2, Poblacion 8, Poblacion 3, Poblacion 4
Hapon: Taclobo, Daro, Poblacion 7, Poblacion 5 ug Poblacion 6
MANGNAO COVERED COURT
Buntag: Bagacay, Banilad, Junob
Hapon: Mangnao, Tabuc-Tubig, Calindagan
IKADUHANG ADLAW (June 17, 2022)
PULANTUBIG COVERED COURT
Buntag: Bantayan, Batinguel, Buñao
Hapon: Camanjac, Motong, Piapi, Pulantubig
TALAY COVERED COURT
Buntag: Bajumpandan, Balugo, Cadawinonan
Hapon: Candau-ay, Cantil-e, Talay
Ang mga benepisyaryo gipili sa DSWD Region 7 sama sa senior citizens nga gaedad 60 anyos-pataas, walay laing pension, walay suporta sa pamilya, mga kabos labi na bed-ridden ug adunay medikal nga panihanglanon.
Gipahimangnoan ang mga benepisyaryo nga magdala ug photocopy sa ilang ID nga adunay pirma ug kanunay magsuot ug face mask.