Nanawagan si Mayor Ipe Remollo sa mga tag-iya ug yuta nga maagian sa halapad nga drainage master plan kontra baha dinha sa Banilad-Mangnao nga mokooperar para hingpit nga mapatuman ang proyekto ug masulbad na ang pagbaha kung kusog ang bunok sa ulan.
Kaniadto pang nilabay nga tuig nakagahin na ang kagamhanang siyudad ug P 25 milyones para sa proyekto.
Matud ni Mayor Ipe Remollo naay ubang mga tag-iya sa yuta ang nagdumili kini nga agian ang ilang propredad sa proyekto nga palapdan ang drainage canal ug pagtukod ug mga boulder walls para mosubay sa naandan nga agianan ang dakong bul-og sa tubig nga gagikan sa Valencia paingon sa Lagnasan Creek para diretso na ug tupa ang tubig-baha sa Ihalason Beach ug dili na moawas sa national highway ug mga kabalayan.
Kung padayun nga magdumili ang mga hingtungdan nga tag-iya sa yuta kinihanglan na nga modangop sa korte ang kagamhanang siyudad para tugutan nga magamit ang mga luna sa proyekto diin makahatag ug solbad sa baha ug kaluwasan sa mga motorista ug mga lupyo dinha sa Banilad-Mangnao national highway.
Sa pipila ka higayon nakignegosasyon ang mga tinugyanan sa kagamhanang siyudad ug mga opisyales sa Barangay sa mga tag-iya sa yuta ilabi na nga aduna pod mga informal settlers dinha sa mga luna nga maagian sa drainage canal apan nagdumili ang uban kanila mao nga nadelatar ang proyekto. (Interview by Sherlyn Infante Abella)