Gikompirmar ni Ms. Vicky Kitane sa buhatan ni Mayor Felipe Antonio Remollo nga gihatag karung adlawa ang ayudang pinansiyal para sa pamilya nga biktima sa sunog dinha sa Barangay Junob.
Sumala sa City Social Welfare and Development Office, 3 ka pamilya diin “totally damaged” ang panimalay ang gihatagan ug tag P 10, 000 samtang 2 ka pamilya diin “partially damaged” ang panimalay ang gihatagan ug tag P 5, 000.
Matud ni Mayor Ipe Remollo kining ayudang pinansiyal gikan sa kagamhanang siyudad dugang kini sa nahatag nga mga pagkaon ug uban pang galamiton para sa mga biktima human gilayon sa katalagman diin niresponde ang CSWDO ug Junob Punong Barangay Maximino Umbac.
Nagpasalamat usab si Mayor Ipe Remollo sa mga pribadong indibidwal ug grupo nga nagpadala ug ayuda sa mga biktima sa sunog.