Isip pagsanong sa mando ni Mayor Ipe Remollo, mga BHW ug nars nga gipangulohan ni City Health Officer Dr. Maria Sarah B. Talla ang nibalik sa Barangay Bagacay para mohatod ug libreng tambal, bitamina ug face masks sa mga lupyo niadtong Sabado.
Nagpahigayon ug libreng konsulta atol sa maong regular nga medical mission ug nahibal-an ang mga panihanglanon sa mga lupyo sa maong barangay ug giapod-apod ang mga tambal, maintenance ug bitamina lakip na ang abiso unsaon makakuha ug bakuna batok COVID-19.
Kining padayun nga kalihokan nilang Dr. Talla tipik ug kabahin sa tumong ni Mayor Ipe Remollo nga direktang mahatod ang serbisyong medikal dinha sa mga panimalay sa kabarangayan.