Nagpasalamat ang mga pamilya nga biktima sa sunog dinha sa Barangay Bantayan kang Mayor Ipe Remollo tungod kay nadawat na nila ang ayudang pinansiyal gikan sa kagamhanang siyudad karung adlawa.
Matud ni Kapitan Nerio Grapa ang 8 ka pamilya nga naugdaw ang panimalay ang nakadawat ug tag P 10 mil; samtang ang 3 ka panimalay nga nakaagom ug kadaot ug laing 3 ka pamilya nga naapektahan nakadawat ug tag P 5 mil.
Kining ayudang pinansiyal dugang sa nadawat sa mga 8 ka pamilya nga mga construction materials nga personal nga gidonar ni Mayor Ipe Remollo ngadto sa mga biktima sa sunog para makasugod na sila ug tukod sa ilang panimalay.