Gi-awhag ang mga wala pa nabakunahan batok COVID-19 nga moadto/mo-walk in lang sa City Health Office-Main og sa bag-ong giinagurahan nga City Health Office 2 dinha sa Barangay Talay, depende kung asa ang duol sa imong panimalay o gitrabahoan.
Subling nanawagan si City Health Officer Dr. Maria Sarah B. Talla sa mga residente nga magpabakuna para mapakgang ang pagkuyanap sa COVID-19 ilabi na nga nibalik na ug abre ang mga negosyo, turismo ug ang face-to-face classes.
Abre ang City Health Office-Main ug City Health Office 2 Lunes hangtod Biernes alas-8 ang takna sa buntag hangtod alas-5 sa hapon gawas lang kung adunay holiday.