Gibuksan karong adlawa ang bag-ong natukod nga Gender Sensitive Living Quarters for Girls dinha sa Barangay Talay diin kini ang kapasilongan sa mga kabataan nga babaye biktima sa pagpangabuso o kaha gi-alegar nga nakalapas sa balaod.
Matud ni Mayor Ipe Remollo kining pasilidad makahatag ug luwas ug disente nga balay kapasilongan para sa mga menor-de-edad nga mga babaye samtang ilang mga kaso gi-akatar pa sa mga hingtungdan nga ahensiya sa gobyerno.
Ang pondo pagtukod sa maong pasilidad gikuha gikan sa Gender and Development budget sa kagamhanang siyudad lakip na ang mga bag-ong sakyanan sa City Social Welfare Development Office ug Persons with Disability Friendly vehicle para mas mapalambo pa ang serbisyo sa katawhan.
Lakip sa nitambong sa blessing ug inauguration mao sila Bise-Mayor Faye Karissa Tolentino-Maxino, Konsehal Michael Bandal, Konsehal Lilani Ramon, Konsehal Edgar Lentorio Jr., Konsehal Manuel Patrimonio, CSWDO head Lilibeth Filipinas, GAD Focal Person Aveangel S. Alcorin ug mga kadagkoan sa kagmahanang siyudad.