Gidayeg sa Department of Environment and Natural Resources ang kagamhanang siyudad sa Dumaguete pinanguluhan ni Mayor Felipe Antonio “Ipe” Remollo tungod sa epektibo ug maayo nga pagdumala niini sa paghipos sa basura (solid wastes) diin nakatabang kini nga mahinlo ang tibook siyudad ug nagalam ang maayong panglawas sa katawhan.
Matud ni Engr. William P. Cuñado, DENR-EMB Bureau Director dalaygon ang gibuhat sa administrasyon ni Mayor Ipe Remollo diin ang mga basura kini gikolekta ug giproseso sulod sa 8-ektarya nga Eco-Park Solid Waste Processing Facility diin nga himoon kining mga hollow blocks ug bricks pinaagi sa Pyrolysis Gasification Process ug mga bangko pinaagi sa Plastic Recycling Equipment nga magamit sa mga pampublikong proyekto ug aktibidades.
Ang pasidungog gikan sa DENR nga gipirmahan ni Engr. Cuñado nagkanayon: Certificate of Commendation is presented to Dumaguete City Local Government Unit for its commitment to ensure a clean and healthy environment for its citizens manifested by an effective ecological solid waste management through its integrated solid waste management facility that ensures optimum utilization of waste resources and reduce solid waste for disposal.
Lakip usab sa gidayeg sa DENR mao nga naka income ang kagamhanang siyudad tungod sa pag-recycle sa mga mapuslan diin P 500, 000 kada bulan ang kita niini napunta sa panudlanan sa tresurero samtang gipatrabaho usab ang kanhi mga scavengers human gipasirado ni Mayor Ipe Remollo ang Candau-ay dumpsite niadtong pang Marso sa tuig 2021.
Ang tanang malata nga basura kini himoon nga organic fertilizer, ang mga recyclable ibaligya sa mga junk shop ug himoon nga plastic chairs samtang ang mga dili mapuslan kini ilubong na ngadto sa sanitary landfill.
Samtang uga lupyo ug mga kapitan nagapsalamat kang Mayor Ipe Remollo tungod sa pagsirado niini sa kapin 30-anyos na nga dumpsite niadtong pang usang tuig (Marso 30, 2021) ug pagtukod sa usa ka MRF nga karun gidayeg sa kadagkoan sa DENR.