Isip pagsanong sa mando ni Mayor Ipe Remollo nipahigayon ug house-to-house nga medical mission ang mga BHW ug nars nga gipangulohan ni City Health Officer Dr. Maria Sarah B. Talla para sa libreng konsultasyon, tambal, bitamina ug face masks sa mga lupyo dinha sa Barangay Banilad niadtong nilabay nga Sabado.
Gawas medical mission puede usab makadool ang katawhan para mangayo ug tambal, bitamina, maintenance ug bakuna batok COVID-19 sa ilang mga Barangay Health Centers ug sa buhatan ni Mayor Ipe Remollo.
Kining padayun nga medical mission nilang Dr. Talla tipik ug kabahin sa tumong ni Mayor Ipe Remollo nga direktang mahatod ang serbisyong medikal dinha sa mga panimalay sa kabarangayan.