Gapadayon ang pagpatuman sa shoreline protection project dinha sa Poblacion 1 (Tinago) para maproteksyonan ang mga lupyo ug ilang mga kabalayan gikan sa kadaot sa paghampak sa mga dagkong balod ilabi na kung dili maayo ang tiempo.
Matud ni Mayor Ipe Remollo kining shoreline protection with wave deflector sumpay sa Pantawan People’s Park paingun ngadto sa baba sa suba sa Banica para mas luwas na unya ang mga residente ug ilang mga kabtangan gikan sa mga kadaot.
Sa dugay na nga panahon ang mga lupyo sa Poblacion 1 (Tinago) kinahanglan mobakwit para malikay sa pagbunok sa tubig baha ug paghampak sa dagkong balod (storm surge) labi na atol naay bagyo o wala.
Sundon sa kagamhanang lokal ang proseso ug mga kinahanglan nga permits para sa maong proyekto.