Pinasubay sa mando ni Mayor Ipe Remollo sugdan na ugmang adlawa ang pag-apod apod sa tag P 500.00 nga ayuda matag usa sa 35, 000 nga kabos nga pamilya, senior citizen ug Person With Disability gikan sa 30 ka barangay nga mas labing naapektohan tungod sa pandemya sa COVID-19.
Mao kini ang eskedyul sa mga barangay nga hatdan sa pinansiyal nga ayuda gikan sa buhatan ni Mayor Ipe Remollo:
MARCH 22, 2022:
Poblacion 1, Balugo, Mangnao, Motong, Talay, Poblacion 5, Poblacion 6, Bagacay, Cadawinonan, Looc, Pulantubig, Taclobo, Poblacion 3, Poblacion 4, Poblacion 7, Banilad, Batinguel ug Buñao
MARCH 23, 2022
Poblacion 8, Bantayan, Camanjac, Candau-ay, Piapi, Bajumpandan, Cantil-e, Junob, Poblacion 2, Calindagan, Daro ug Tabuc-tubig
Ang mga opisyales sa 30 ka barangay ug City Social Welfare and Development Office ang nihimo ug nagpamatuod sa mga listahan sa tanang kabos nga pamilya, senior citizen ug PWD nga kwalipikadong hatagan sa ayuda.
Sa mga adunay pangutana kabahin sa listahan ug uban pang mga pagpatin-aw moadto lamang sa ilang mga opsiyales sa barangay ug social workers para kini matubag ug masabtan sa mga hingtungdan.