Mga tinugyanan sa buhatan ni Mayor Ipe Remollo ang maghatod sa ayudang bugas nga tag 20 kilos kada panimalay sa duha ka dagkong mga barangay karung semanaha.
Ang BARANGAY DARO ang hatdan sa ayuda karung Martes (Marso 22) ug BAGACAY karung Miyerkules (Marso 23) sa ilang mga barangay gymnasium sugod alas-9 ang takna sa buntag.
Matud ni Mayor Ipe Remollo kining paghatag ug tag 20 kilos nga bugas kada panimalay gikan sa kagamhanang siyudad padayun nga tabang karung panahon sa krisis tungod sa COVID-19.
Gi-awhag ang mga residente sa Barangay Bantayan ug Barangay Camanjac nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayuda.