Pinasubay sa mando ni Mayor Ipe Remollo, mga BHW ug nars nga gipangulohan ni City Health Officer Dr. Maria Sarah B. Talla nihatod ug libreng tambal, bitamina ug face masks sa mga lupyo dinha sa Barangay Bagacay niadtong nilabay nga Sabado.
Pinaagi sa libreng konsulta atol sa maong regular nga medical mission, nahibal-an ang mga panihanglanon sa mga lupyo sa maong barangay ug sila gihatagan sa giya nga puwede silang makapangayo ug mga tambal, maintenance, bitamina, bakuna batok COVID-19 ug tabang pinansiyal dinha sa ilang mga Barangay Health Center ug sa buhatan ni Mayor Ipe Remollo.
Kining padayun nga kalihokan nilang Dr. Talla tipik ug kabahin sa tumong ni Mayor Ipe Remollo nga direktang mahatod ang serbisyong medikal dinha sa mga panimalay sa kabarangayan.