Nagpasalamat ang mga tagbalay dinha sa Barangay PIAPI sa mga tinugyanan sa buhatan ni Mayor Ipe Remollo human nila gipang apod-apod ang tag 20 kilos nga bugas kada panimalay uban sa mga opisyales karung adlawa.
Subling gipabalo ni Mayor Ipe Remollo nga kining ayuda nga bugas padayun nga tabang karung panahon sa krisis tungod sa COVID-19.
Gi-awhag ang mga residente sa ubang barangay nga maghulat lamang sa tukmang pahibalo kung kanus-a ang petsa sa pagpanghatag sa ayudang bugas basi sa listahan sa mga panimalay nga kwalipikadong hatagan gikan sa ilang mga opisyales.