Mga tagbalay sa Barangay PIAPI ang takda nga hatdan sa mga tinugyanan sa buhatan ni Mayor Ipe Remollo sa tag 20 kilos nga bugas kada panimalay ugmang adlawa [Biernes] dinha sa Piapi Elementary School alas-9 ang takna sa buntag.
Mga opisyales sa barangay Piapi gipangulohan ni Kapitan Clark Labi ang motabang para hapsay ug luwas ang pag-apod apod sa ayuda.
Samtang mapasalamaton usab ang mga tagbalay sa Barangay BALUGO kay nakadawat na sila sa ayudang bugas karung adlawa.
Matud ni Mayor Ipe Remollo ang tag 20 kilos nga bugas gikan sa kagamhanang siyudad kini padayung tabang karung panahon sa krisis tungod sa COVID-19.
Subling gi-awhag ang mga residente sa ubang barangay nga maghulat lamang sa tukmang pahibalo kung kanus-a ang petsa sa pagpanghatag sa ayudang bugas basi sa listahan sa mga panimalay nga kwalipikadong hatagan gikan sa ilang mga opisyales.