Mga tagbalay sa Barangay MOTONG ang hatdan ug tag 20 kilos nga ayudang bugas sa mga tinugyanan sa buhatan ni Mayor Ipe Remollo ugmang adlawa (Miyerkules).
Ang mga opisyales sa maong barangay ubos sa pamunoan ni Kapitan Dionie Amores ang motabang para hapsay ug luwas ang pag apod-apod sa ayuda nga ipahigayon sa Covered Court sugod alas-9 ang takna sa buntag.
Samtang mga lupyo sa Barangay PULANTUBIG mapasalamaton usab sa kagamhanang siyudad kay nadawat na nila ang ayuda karung adlawa.
Matud ni Mayor Remollo kining paghatag sa tag 20 kilos nga bugas kada panimalay padayon nga tabang karung panahon sa krisis ug ang gibasihan mao ang lista gikan sa mga hingtungdan nga barangay.
Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayuda.