Andam na ang mga tinugyanan sa buhatan ni Mayor Ipe Remollo nga mo apod-apod sa tag 20 kilos nga ayudang bugas matag panimalay sa dugang upat [4] ka barangay sunod semana matag alas-9 ang takna sa buntag.
Kini tungod kay natapos na ug pag verify ang listahan niining mga mosunod nga barangay:
PULANTUBIG – Martes [March 15] Covered Court
MOTONG – Miyerkules [March 16] Covered Court
BALUGO – Huebes [March 17] Purok Nangka Covered Court
PIAPI – Biernes [March 18] Elementary School
Samtang mga lupyo sa Barangay Batinguel ang mapasalamaton usab sa kagamhanang siyudad kay nadawat na nila ang maong ayuda niadtong Biernes.
Matud ni Mayor Ipe Remollo kining paghatag sa ayudang bugas sa kada panimalay padayun nga tabang karung panahon sa krisis tungod sa COVID-19.
Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayuda.