Mga tinugyanan sa buhatan ni Mayor Ipe Remollo ang mangulo sa pagpang apod-apod sa tag 20 kilos nga bugas kada panimalay uban sa mga opisyales sa POBLACION 8 UG POBLACION 5 ugmang adlawa [Huebes] alas-9 ang takna sa buntag.
Samtang mga tagbalay sa Poblacion 1[Tinago] ug Poblacion 4 ang nakadawat sa ayudang bugas gikan sa kagamhanang siyudad karung adlawa.
Matud ni Mayor Ipe Remollo ang ayuda nga tag 20 kilos nga bugas kada panimalay kini padayun nga tabang karung panahon sa krisis tungod sa COVID-19.
Gi-awhag ang mga residente sa nahibilin pang mga barangay nga maghulat lamang sa tukmang pahibalo kung kanus-a ang petsa sa pagpanghatag sa ayudang bugas nga gibasi sa listahan gikan sa mga opisyales sa Barangay ug CSWDO.