Mga tagbalay sa Barangay BATINGUEL ang andam ng nga modawat sa ayudang bugas gikan sa buhatan ni Mayor Ipe Remollo ugmang adlawa (Biernes) nga tag 20 kilos matag panimalay.
Ang mga opisyales sa maong barangay ang motabang para hapsay ang pag apod-apod sa ayuda nga ipahigayon sa Covered Court sugod alas-9 ang takna sa buntag.
Samtang mga lupyo sa POBLACION 8 ug POBLACION 5 ang mapasalamaton usab sa kagamhanang siyudad kay nadawat na nila ang ayudang bugas karung adlawa.
Matud ni Mayor Remollo kining paghatag sa tag 20 kilos nga bugas kada panimalay kini padayon nga tabang karung panahon sa krisis ug ang gibasihan mao ang lista gikan sa mga hingtungdan nga barangay.