Gitakda nga hatdan sa mga tinugyanan sa buhatan ni Mayor Ipe Remollo sa ayudang bugas ang dugang unom [6] ka barangay karung semanaha nga tag 20 kilos matag panimalay basi sa pinal ug certified nga listahan gikan sa mga opisyales sa barangay.
Mao kini 6 ka barangay nga hatdan sa ayudang bugas kada panimalay sugod alas-9 ang takna sa buntag:
MARTES (Marso 8, 2022), BARANGAY CANDAU-AY
MIYERKULES (Marso 9, 2022) – POBLACION 1 UG POBLACION 4
HUEBES (Marso 10, 2022) – POBLACION 8 UG POBLACION 5
BIERNES (Marso 11, 2022) – BATINGUEL
Matud ni Mayor Ipe Remollo ang paghatag sa ayuda bugas gikan sa kagamhanang siyudad padayun nga tabang karung panahon sa krisis tungod sa COVID-19.
Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayuda.