Mga tinugyanan sa buhatan ni Mayor Ipe Remollo ang mohatod sa ayudang bugas nga 20 kilos kada panimalay dinha sa Barangay CANTIL-E ugmang adlawa (Biernes) alas-9 ang takna sa buntag sa ilang basketball gymnasium.
Motabang ang mga opisyales sa Barangay Cantil-e gipanguluhan ni Kapitan Pilardo Sarte para hapsay ug luwas ang pag apod-apod sa ayuda.
Samtang mapasalamaton usab ang mga lupyo dinha sa Barangay TACLOBO human nadawat nila ang ayudang bugas karung adlawa.
Matud ni Mayor Remollo kining paghatag sa ayudang bugas padayun nga tabang karung panahon sa krisis tungod sa COVID-19.
Subling gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayuda para hapsay ug maayo ang pagdokumento niini