Turno sa mga tagbalay sa Barangay TACLOBO nga hatdan ug tag 20 kilos nga ayudang bugas sa mga tinugyanan sa buhatan ni Mayor Ipe Remollo ugmang adlawa (Huebes).
Ang mga opisyales sa maong barangay ubos sa pamunoan ni Kapitan Roger Bohol ang motabang para hapsay ug luwas ang pag apod-apod sa ayuda nga ipahigayon sa Taclobo Gymnasium sugod alas-9 ang takna sa buntag.
Samtang mga lupyo sa Barangay MANGNAO mapasalamaton usab sa kagamhanang siyudad uban ni Kapitan Ramel Tayko kay nadawat na nila ang ayuda karung adlawa.
Matud ni Mayor Remollo kining paghatag sa tag 20 kilos nga bugas kada panimalay kini padayon nga tabang karung panahon sa krisis ug ang gibasihan mao ang lista gikan sa mga hingtungdan nga barangay.