Mga lupyo sa Barangay Cantil-e ang nakadawat ug libreng tambal ug mga bitamina gikan sa mga health workers pinangulohan ni City Health Officer Ma. Sarah B. Talla atol sa gipahigayon nga regular nga medical mission niadtong Sabado.
Kining house-to-house nga medical mission pinasubay sa direktiba ni Mayor Ipe Remollo nga duawon ang mga kabalayan para mahatagan ug serbisyong medikal ug tudloan ang mga lupyo kung unsaon nga maprotektahan sila batok COVID-19 ug dengue.
Dugang pa ni Dr. Talla ang house-to-house medical mission kini adunay libreng konsultasyon para sa nanihanglan ilabi na kadtong adunay mga gihambin nga sakit nga wala namatyagan o gidala sa tambalanan.
Subling gitataw nga kanunay maghinlo ang mga lupyo sa ilang balay ug palibot kontra kagaw; kanunay maghugas ug kamot ug mogamit ug face masks.