Mga tagbalay sa Barangay MANGNAO ang andam na nga modawat sa tag 20 kilos nga ayudang bugas gikan sa mga tinugyanan sa buhatan ni Mayor Ipe Remollo ugmang adlawa (Miyerkules).
Ang mga opisyales sa maong barangay ubos sa pamunoan ni Kapitan Ramel Tayko ang motabang para hapsay ug luwas ang pag apod-apod sa ayuda nga ipahigayon sa ilang Covered Court.
Samtang mga lupyo sa Barangay JUNOB mapasalamaton usab sa kagamhanang siyudad kay nadawat na nila ang ayuda karung adlawa dinha sa ilang Babajuba Gymnasium.
Matud ni Mayor Remollo ang paghatag sa tag 20 kilos nga bugas kada panimalay kini padayun nga tabang karung panahon sa krisis ug ang gibasehan mao ang lista gikan sa hingtungdan nga barangay.
Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayuda.