Mga tagbalay sa Barangay TALAY ang nakadawat na sa ayudang bugas gikan sa mga tinugyanan sa buhatan ni Mayor Ipe Remollo niadtong Huebes dinha sa ilang covered court.
Nagpasalamat ang mga lupyo sa barangay pinangulohan ni Kapitan Lilia Batalan kang Mayor Ipe Remollo human nila madawat ang tag 20 kilos nga bugas kada panimalay isip tabang karung panahon sa pandemya tungod sa COVID-19.
Ang pagpasunod sa paghatag ug ayudang bugas gibasi kini kung kinsang barangay ang nakasumiter na sa kompleto ug ensakto nga listahan sa mga panimalay nga kwalipikadong hatagan.
Busa gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayuda.