Gikompirmar sa buhatan ni Mayor Ipe Remollo nga hatdan ugmang adlawa (Huebes) ug ayudang bugas ang mga tagbalay sa Barangay TALAY dinha sa ilang covered court.
Motabang ang mga opisyales sa Barangay Talay gipangunahan ni Kapital Lilia Batalan para hapsay ug luwas ang pag apod-apod sa ayuda.
Samtang nagpasalamat ang mga lupyo dinha sa Barangay BAJUMPANDAN human gihatod sa mga tinguyanan sa buhatan ni Mayor Ipe Remollo ang ayudang bugas nga tag 20 kilos kada panimalay kagahapong adlawa (Martes).
Matud ni Mayor Remollo kining ika-unom nga hugna sa paghatag ayudang bugas tabang karung panahon sa krisis tungod sa COVID-19.
Gipahimangno lang nga wala na gitugot ang authorization ni bisan kinsa, busa kung kinsa katong nalista isip tagbalay ug adunay ID mao gyud ang mokuha sa ayudang bugas.
Subling gi-awhag ang mga residente sa ubang barangay nga maghulat lamang sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayuda para hapsay ug maayo pagdokumento niini.