Nipahigayon ug laing house-to-house medical mission ang mga health workers pinangulohan ni City Health Officer Ma. Sarah B. Talla para sa mga lupyo dinha sa Barangay Cadawinonan uban ni Kapitan Jimmy Tabada niadtong Sabado.
Kining house-to-house nga medical mission gipahigayon pinasubay sa mando ni Mayor Ipe Remollo nga duawon ang mga panimalay para mahatagan ug serbisyong medikal ang mga lupyo, ma inspekyon ang kabalayan ug tudloan ang mga lupyo kung unsaon nga maprotektahan sila batok COVID-19.
Ang grupo ni Dr. Talla nanghatag ug libreng tambal, bitamina, face masks ug konsultasyon para sa nanihanglan ilabi na kadtong adunay mga gihambin nga balatian o sakit nga wala namatyagan o gidala sa tambalanan.
Subling gitataw nga kanunay maghinlo ang mga lupyo sa ilang balay ug palibot kontra kagaw; kanunay maghugas ug kamot ug mogamit ug face masks.