Giapod-apod sa mga tinugyanan sa buhatan ni Mayor Ipe Remollo ang tag 20 kilos nga bugas kada panimalay sa Barangay Calindagan kaganihang adlawan dinha sa Barangay Hall.
Subling gipasabot ni Mayor Remollo nga kining ayuda nga tag 20 kilos nga bugas kada panimalay tabang kini karung panahon sa krisis tungod sa COVID-19.
Mga opisyales sa barangay Calindagan ubos ni Kapitan Maisa Sagarbarria ang nitabang para hapsay ug luwas ang paghatag sa ayuda.
Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ilang bahin sa ayuda.