Turno na usab sa mga tagbalay dinha sa Barangay BAJUMPANDAN ug Barangay TALAY ang modawat sa ayudang bugas nga ihatod sa mga tinugyanan sa buhaton ni Mayor Ipe Remollo karung semanaha.
Mga lupyo sa Barangay Bajumpandan ang hatdan sa ayuda karung Martes (Pebrero 22) dinha sa Covered Court duol sa Camella Homes.
Samtang karung Huebes (Pebreo 24) mga tagbalay sa Barangay Talay ang hatdan sa ayudang bugas dinha sa multi-purpose gymnasium.
Mga opisyales sa barangay ang motabang sa mga empleyado sa buhatan ni Mayor Remollo ug sa CSWDO para hapsay ug luwas ang paghatag sa ayuda.
Matud ni Mayor Ipe Remollo kining ayuda nga tag 20 kilos nga bugas kada panimalay gikan sa kagamhanang siyudad padayun nga tabang karung panahon sa krisis tungod sa COVID-19.
Ang pagpasunod sa paghatag ayudang bugas kini nagabasi kung kinsang barangay ang unang naka sumiter sa kompleto ug sertipikado nga listahan sa mga kabalayan sa matag barangay.