Mga tinugyanan sa buhatan ni Mayor Ipe Remollo ang maghatod sa ayudang bugas nga tag 20 kilos kada panimalay sa duha ka dagkong mga barangay karung semanaha.
Ang BARANGAY CADAWINONAN ang hatdan sa ayuda karung Miyerkules (Pebrero 16) dinha sa New Evacuation Center ug BARANGAY CALINDAGAN karung Biernes (Pebrero 18) sa Barangay Hall sugod alas-9 ang takna sa buntag.
Matud ni Mayor Ipe Remollo kining paghatag ug tag 20 kilos nga bugas kada panimalay gikan sa kagamhanang siyudad padayun nga tabang karung panahon sa krisis tungod sa COVID-19.
Ang pagpasunod sa paghatag ayudang bugas kini nagabasi kung kinsang barangay ang unang naka sumiter sa kompleto ug sertipikado nga listahan sa mga kabalayan sa matag barangay.
Gi-awhag ang mga residente nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayuda sa mga residents niining siyudad.