Mga pares nga mosalmot sa 2022 Kasalang Bayan nga pangulohan ni Mayor Ipe Remollo ug ipahigayon karung Pebrero 15 dinha sa Pantawan Rizal Boulevard ang tagsa-tagsa nga nisukod sa mga singsing atol sa pangtigum dinha sa City Hall ganinang hapon.
Ang mga singsing kini libre nga ihatag sa mga mosalmot nga kalaslon isip simple nga gasa usab atol sa selebrasyon.
Gipatawag ang mga pares para mapahibalo sila sa preparasyon ug dagan sa seremonya samtang matubag usab nila Local Civil Registrar Carlo Cual ug City Information Officer Katherine Therese Aguilar ang ilang mga pangutana kabahin sa preparasyon aron hapsay ug luwas ang aktibidad.