Mga tinugyanan sa buhatan ni Mayor Ipe Remollo ang mangulo sa pagpang apod-apod sa tag 20 kilos nga bugas kada panimalay uban sa mga opisyales sa BARANGAY LOOC ubos sa pagpangulo ni Kapitan Angelita Ragay karung Biernes.
Samtang hapsay ug nahuman niadtong Martes ang pagpanghatag sa ayudang bugas gikan sa kagamhanang siyudad dinha sa Barangay Buñao.
Matud ni Mayor Ipe Remollo kining ayuda nga tag 20 kilos nga bugas kada panimalay kini tabang karung panahon sa krisis tungod sa COVID-19.
Gi-awhag ang mga residente sa nahibilin pang mga barangay nga maghulat lamang sa tukmang pahibalo kung kanus-a ang petsa sa pagpanghatag sa ayudang bugas nga gibasi sa listahan gikan sa mga opisyales sa Barangay ug CSWDO.