Mga kwalipikadong Barangay Tanod nakakubra na usab sa ilang cash incentives nga tag P 2, 100.00 matag usa niadtong nilabay nga semana dinha sa City Treasurer’s Office.
Giaprobahan ni Mayor Ipe Remollo ang cash incentive para sa bulan Oktubre-Nobyembre-Disyembre 2021 giahatag isip pahinungod sa tiunay nga serbisyo sa mga tanod gikan sa 30 ka barangay para mapatunhay ang kahusay ug kalinaw sa ilang mga komunidad.
Matud usab ni DILG Officer Christopher Pastor katong lang mga nakatapos sa mandatory training ug nakapasar sa evaluation ang hatagan sa cash incentive nga gipahigayon sa ilang buhatan ubos sa programa nga iprofessionalize ang mga barangay tanod.
Kining cash incentives nga ginadawat sa mga Barangay Tanod gikan sa siyudad dugang kini sa honorarium nga madawat nila sa ilang tagsa-tagsa ka barangay.