Mga tagbalay sa BARANGAY BUÑAO ang takda nga hatdan sa mga tinugyanan sa buhatan ni Mayor Ipe Remollo sa tag 20 kilos nga bugas kada panimalay karung adlaw nga Martes dinha sa Barangay Hall.
Matud ni Mayor Ipe Remollo ang tag 20 kilos nga bugas gikan sa kagamhanang siyudad kini isip tabang karung panahon sa krisis tungod sa COVID-19.
Samtang nahatdan na usab sa ayuda ang mga residente dinha sa POBLACION 7 niadtong Biernes inabagan sa mga opisyales gipangulohan ni Kapitan Reynaldo Caballes.
Gi-awhag ang mga residente sa laing mga barangay nga maghulat lamang sa tukmang pahibalo kung kanus-a ang petsa sa pagpanghatag sa ayudang bugas nga basi sa listahan sa mga opisyales sa Barangay ug CSWDO.