Mga tinugyanan sa buhatan ni Mayor Ipe Remollo ang mangulo sa pagpang apod-apod sa tag 20 kilos nga bugas kada panimalay uban sa mga opisyales sa POBLACION 7 ugmang adlawa (Biernes) dinha sa Barangay Hall.
Samtang nahuman karung adlawa ang pagpanghatag sa ayudang bugas gikan sa kagamhanang siyudad dinha sa Poblacion 6 inabagan sa mga opisyales niini.
Subling gipalanog ni Mayor Remollo nga kining ayuda nga tag 20 kilos nga bugas kada panimalay isip tabang karung panahon sa krisis tungod sa COVID-19.
Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ilang bahin sa ayuda.