Mga tagbalay sa POBLACION 6 ang andam na nga modawat sa tag 20 kilos nga ayudang bugas sa mga tinugyanan sa buhatan ni Mayor Ipe Remollo ugmang adlawa (Huebes).
Ang mga opisyales sa maong barangay ubos sa pamunoan ni Kapitan Geraldo Balog ang motabang para hapsay ug luwas ang pag apod-apod sa ayuda nga ipahigayon sa Barangay Hall
Matud ni Mayor Remollo kining paghatag sa tag 20 kilos nga bugas kada panimalay isip padayun nga tabang karung panahon sa krisis ug ang gibasehan mao ang lista gikan sa hingtungdan nga barangay.
Samtang mga lupyo sa POBLACION 3 mapasalamaton usab sa kagamhanang siyudad kay nadawat na nila ang ayuda karung adlawa.
Gi-awhag ang mga residente sa ubang barangay nga maghulat sa tukmang pahibalo gikan sa ilang mga opisyales kung kanus-a ang petsa sa pagpanghatag sa ayuda.