Hayag na ang kinatibok-an sa taytayan sa Taclobo-Bagacay likod sa Foundation University human natapos ang proyekto nga pagpasuga niini.
Matud ni Mayor Ipe Remollo importante nga mapasugaan ang taytayan dinha sa Colon para malikayan ang disgrasya ug para luwas ang mga motorista ug residente sa lugar batok sa krimen.
Busa ang duha ka bag-ong taytayan dinha sa Banica nga gitukod sa kagamhanag siyudad lakip ang Batinguel-Bagacay ug Taclobo-Bagacay kini hingpit ng gipasigahan sa mga street lights og lamp posts.
Tungod usab sa duha ka taytayan, nga gipuli sa mga karaan nga spillway, bisan kung mobaha padayun nga makalabang ang motorista ug luwas ang mga kabalayan daplin sa Banica kay dili na kini sayon-sayon nga lang nga malapawan sa tubig baha.