Tukoron karung tuiga ang usa ka 2-storey school building para sa Cantil-e Elementary School human giaprobahan ni Mayor Ipe Remollo ang proyekto nga mokostar ug P 9 milyones.
Nagpasalamat si City Schools Division Superintendent Gregorio Cyrus Elejorde kang Mayor Ipe Remollo tungod kay dugang unom (6) ka classrooms kini para mas mapahimutang ang mga magtutudlo ug tinun-an nga lakip sa pagpangandam sa pagbalik na unya sa face-to-face classes kung tugotan na kini ug makontrol na ang pandemya sa COVID-19.
Kining proyekto sa Cantil-e Elementary School lakip sa 9 ka school buildings nga gi-aprobahan ni Mayor Ipe Remollo nga tukoron sa 7 ka pampublikong tunghaan karung tuiga nga mokostar ang tanan ug P 63.2 milyones gikan sa lokal nga Special Education Fund.