Subay sa mando ni Mayor Ipe Remollo dugang pa nga mga Health Marshals ang gipakatap sa Inter-Agency Task Force for the Management of Emerging Infectious Diseases para regular nga ipatuman ang mga protocols batok COVID-19.
Ang mga Health Marshals gipangulohan ni City Adviser for Security Concerns retired General Rey Lyndon Lawas ug City Health Officer Dr. Maria Sarah B. Talla nagpadayun sa ilang pagpatrolya sa mga kadalanan ug inspeksyon sa mga balay patigayon.
Samtang ubos sa Alert Level 3 ang Negros Oriental ug Dumaguete City gitugutan lamang ang operasyon sa mga indoor venues kutob lang sa 30% sa ilang kapasidad samtang 50% sa capacity ang gitugot para sa mga outdoor venues.
Kinihanglan usab nga mga bakunado ang tanan nga mga tigpasiugda ug mga trabahante niining mga aktibidades ug pasundayag ug kanunay nga gasul-ob ug face masks.
Gipasidan-an usab ang katawhan nga mosunod sa curfew nga gitakda sugod 10:00 PM para malikayan ang panagtapok ilabi na sa mga dili bakunado.
Ang Health Marshals kini gilangkoban sa mga tinugyanan sa City Health Office, Philippine National Police, Traffic Management Office, Special Enforcement Unit, City Administrator’s Office, Department Trade Industry, City Social Welfare and Development Office and Bureau of Fire Protection.