Mga biktima sa sunog dinha sa Barangay Looc ug Kapitan Angelita Ragay nagpasalamat sa pinansiyal nga ayuda ilang nadawat gikan sa kagamhanang siyudad pinaagi ni Mayor Ipe Remollo karung adlawa.
Gikompirmar sa buhatan ni Mayor Ipe Remollo nga 10 ka pamilya diin naugdaw ang mga panimalay atol sa sunog ang nakadawat ug P 10, 000 nga hinabang samtang ang 2 ka pamilya nga gaabang kini nahatagan usab ug ayuda balor P 5, 000.
Kining pinansiyal nga ayuda isip dugang pa sa mga hinabang nga relief goods ug pagkaon nga gihatag sa mga biktima sa sunog dinha sa Looc samtang nibakwit sila sa kapilya.